Tek lokali i lagjes

2015-09-13-22-07-20

I thash pronares së lokalit të më rezervonte një vend në orën shtatë të darkës. Pak kohë më përpara solla nga shtëpia disa orendi… jastëqet e shtëpisë, mbulesë, lule dhe qirinjë.

E zbukurova vendin sipas dëshirës. Habia e njerëzve nuk më shkurajoi. Sytë e njerëzve kurioz nuk  më ndalen. Vendosa lule. Mora me vete kavanozat me tyl të cilët kësaj radhe i përdora si vazo lulesh. Pronarja ishte shumë e mirë dhe më dha nja dy shandane të vogla shtesë.

Atij… i thash zbrit pije një kafe… sa të bëj darken gati. Atje kishte tashmë të porositur një aperitivë nga ana ime tek këndi i rezervuar. Do të kisha dashur të shihja fytyren e tij. Pak minuta më vonë zbrita me koshin e piknikut. Normal, isha veshur për rastin… Pronarja e lokalit më ndihmoi me pak muzikë ndërsa hyja në lokal. Ishte një çast kaq i bukur dhe romantik! Surpriza funksionoi! Ai nuk e priste fare. Pas pak erdhi kamarieri me gota Martini, që i pata porositur më parë dhe këto. Menuja ishte e thjesht, kikirika, fruta të thata, bukë të thekura të vogla dhe salcra pikante. Ishin të mira, por qëllimi nuk ishte ushqimi. Qëllimi ishim ne. U rrethuam nga hija e dashurisë sonë.

Për nja dy orë atje tek lokali i lagjes, pa shpënzuar dhe pa levizur shumë shijuam një nga mbrëmjet më të bukur të jetës sonë. Ai kënd u trasformua në një ishull.

Nuk e fsheh  të gjithë na shikonin të çuditur. E dini çfare? Nuk na interesoi fare!

Nëse do të bësh një surprizë mendo për tjetrin e jo për veten! Hiq komplekset! Ki mendjen tek detajet! Kjo dotë thotë se nuk ka rëndësi vetëm sa ha apo çfarë por dhe si. Ka rëndësi atmosfera që krijohet. Nuk vlen sa lek harxhon por sa mendje shpenzon. Kjo ndihet dhe tjetri do të mbetet i kënaqur. Fotoja sipër ju jep pak idenë e atmosferës që u krijua atë mbrëmje.

A keni provuar diçka të tillë?  Do të kisha shumë qejf të dëgjoja nga ju ç’mendoni!

Shumë faleminderit për suportin dhe  mos harroni të regjistroheni që të merrni të rejat në inboksin tuaj!

Hajdeseflasim!

Advertisements

Etika në rrjet – Spam

A e dini çfarë është një spam? Sigurisht, apo jo? Ndoshta ju shkon mendja tek lista juaj email-ve e cila është plot me mesazhe të pa dëshirueshme. Në fakt do të thotë postim i shumëfisht dhe i tepërt.

Mund të jenë reklama të ndryshme, oferta për të bërë para shumë shpejt, shpesh të dyshimta. Sa për këto e dini vet, shpresoj!

Mjerisht dhe ne jemi Spammer nganjëherë. Po, edhe unë e kam bërë, nga dëshira e mirë dhe totalisht me motive të mira.  Kujt nuk i ka ndodhur të dërgojë një link (lidhje) të gjithëve me radhë pa e menduar gjatë? Ndoshta kemi dashur të reklamojmë diçka, ose thjesht kemi dashur të dërgojmë atë videon me trëndafila kaq të bukur! Ok, kjo nuk quhet tamam spam i rrezikshëm, por i ngjan goxha. Kur dërgojme të njëjtën gjë të gjithëve është një lloj spamming dhe kjo ka disa pasoja.

  • Është shumë e sikletshme të zbulosh më vonë se u ke dërguar diçka të pasaktë apo pa shije shumë vetave.
  • Ngarkohen pajisjet.
  • Nuk pëlqejmë të gjithë të njëjtat gjëra, ose jo në të njëtin çast.
  • Mund të acarojë ata me të cilët nuk ke kontakt të vazhdueshëm duke lënë një shije të keqe.
  • Harxhon kohë dhe jo veç tëndin
  • Mërzit shumë nëse personat marrin të njëjtin mesazh nga shumë veta dhe kjo të shqetëson, më besoni!

Rrjetet sociale janë të lezetshme dhe të dobishme dhe duhen shijuar! Ja disa keshilla per ta bërë më të këndshëm përdorimin e tyre.

  • Para se te dërgosh diçka pyet nëse ka dëshirë, ose nese zakonisht i ka qejf.
  • Provo të dërgosh një herë, nëse merr heshtje si përgjigje, mos insisto!
  • Nese ia vlen vërtet të shpërndash diçka bëje duke bashkëngjitur një përshkrim të shkurtër e të mirësjellshëm.
  • Ki kujdes të shpërndash imazhe apo informata që mund të shkaktojnë ndjenja të pakëndshme.
  • Mos mendo se je i vetmi që di të dërgosh, prandaj ka shumë mundësi që diçka që është përhapur tashmë t’i ketë arritur të tjerëve.

Nëse je një Shpërndarës i thekur, përdor ato lloj rrjetesh që janë posaçërisht për këtë si Instagram etj.

Përdorimi i mirë i rrjeteve të lehtëson jetën dhe të pakëson stresin . . . dhe atë që i shkakton të tjerëve. Jo të gjithëve u pëlqejnë videot me trëndafila . . . për shembull unë trendafilat i kam në oborr . . .

IMG-20151116-WA0000

 

Ia vlen!

Dua të ndaj me ju atë që bëra sot. Pata mundësinë të shijoja luksin e relaksit në kushte shtëpiake dhe duke mos harxhuar tepër. Masazhi është një nga kënaqësitë më të lashta dhe që ndikon ndjeshëm tek mirëqenia. Shepsh jemi gati të harxhojmë para dhe kohë në kozmetikë, thonj, bojëra  . . . duke harruar se ka një mënyrë më të thellë për ta trajtuar veten. Masazhi nuk zëvendëson ushtrimet, që unë mjerisht përtoj të bëj kaq shumë, por të jep një efekt të menjëhershëm tek trupi.

Tani ka plot mundësi për t’i dhënë vetes një trajtim të mirë dhe cilësor. Ka Spa, apo qendra të cilat ofrojnë shumë shërbime të kënaqshme. Nëse ke lekë mos ngurro! Nëse nuk ke shumë para, përfito nga ofertat! Nga ana tjetër ka disa persona të kualifikuar që ofrojnë shërbime private, dhe për këtë unë kam gjetur të duhurën!

2017-05-24-14-35-58

Ja disa këshilla që e kanë bërë këtë përvojë më të kënaqshme.

  • Stako trurin, para trajtimit mos mendo për asgjë.
  • Përgatite veten me një dush.
  • Hiq komplekset, vendi i trajtimit i panjohur mund të shkaktojë siklet
  • Nëse je në një qendër lejo që të merren me ty
  • Nëse je në shtëpi, përgatit ambientin. Drita e duhur, muzika, aromat.
  • Fol qartë nëse ke probleme shendetësore.
  • Mos fol ose nëse ke qejf të bësh muhabet të jetë i lehtë.
  • Mos mendo për asnjeri.

Për mua masazhi është një nga kënaqësitë e jetës! Ia vlen!

 

Më prit

Më prit të lutem. E di që do më presësh…

Leviz ti, shumë i zënë dukesh. Nganjëherë nuk të kuptoj se ndryshon çehre shpejt dhe dhunshëm përplasesh. I frikshëm ti, por ta di kokën dhe më ngjan mua. Errësohesh futesh në të thella. Kërkoj të thellat e tua dhe se ç’nxjerr surpriza të çuditshme. Më përgjigjesh ti, me ledhatime të ëmbla dhe me shije të kripur. Leviz ti, ndalon veç në perendim. Qetësohesh ti, atëherë kur shqetësohem unë. Më prit të lutem, e di që do më presësh.


DSCN4427


Më prit det…

Etika në rrjet 

Shpërndarja e tepërt mund të shkaktojë ca zarare apo thjesht mund të bezdis ata që i marrin. Nëse të pëlqejnë meme, gif, citata  dhe video të shkurtra përdor  rrjete  sociale  ku mund të kesh ndjekës që zgjedhin të të ndjekin e jo mesazh. Shpërndarja e këtyre në rrjet si “whatsup” mund të lodhin  marresin. Për të mos folur sa e lodh celularin! Sigurisht, mund të pyesësh … mirësjellja vlen gjithmonë!

Follow on Instagram!

Vetëm

Orkidetë më shohin, unë shoh ato.

Nuk e mund vetminë e shijoj…Mos ma qani hallin, jam mirë.

Kam hapësirë, privatësinë, kohën. Mund të mendoj, lexoj, ëndërroj. Kam luksin e fantazisë. Shtëpinë e shndërroj në fabrikë ëndrrash…

Orkidetë më shohin, unë shoh ato.

Je, do të doje të ishe, duan të jesh. 

Sa faqe ditari kam shkruar  për këtë. Kam ditarin e parë… Faqet  e bukura u mbushën me pikëpyetjet e para, me “mospërgjigjet” e para. U mbushën me ndjenjat më të ndërlikuara dhe të pa zgjidhura. Ajo që jam nuk ka përkuar  gjithmonë me atë që dukem, duhet apo dua  të jem. Lëmsh foljesh, po pikërisht atë lëmsh ndjej vazhdimisht.

Kush jam? Jam një qenie e ujëshme. Çdo  gjë kalon e duket përtej.  Marr forma të ndryshme por dhe rrëshqas nga duart. Jashtë kontureve. 

Ç’duan të jem? Një palaço që spërkat lozonjare me përkorje ujë publikut. Ajo që për të qeshur bën … kur për vete qan. Gjithmonë në rregull, brenda kontureve. . . Ujë i ngrirë.

Ç’dua të jem? Ujë, por i mirë. Dua të jem rrëke e të freskoj këdo. Prandaj dal nga konturet që të derdhem.