Etika në rrjet 

Ndihesh i bombarduar  nga mesazhet? Sapo hap internetin  nuk di kujt  t’i përgjigjesh më parë? Takon shoqen dhe e nxehur të kërkon llogari  – Hë moj si ma le “seen” ? –

Nuk ka nevojë t’i përgjigjesh!

Na duhet  të jemi online për punë, po flasim  me dikë, apo thjesht  për  qejfin tonë. Ja që … një rrebesh tingujsh na kujton  se miqtë  e dinë  se jemi  online. Mund  të vendosim  opsionin  të mos dukemi  online por sinqerisht edhe sikur mos ta vëmë  … cili është problemi?   Ndihu  i lirë të mos përgjigjesh. Ndihu  i lirë të zgjedhësh kohën të përgjigjesh  kur ke qejf apo mundesh. Mund të lexosh mesazhin dhe të vendosësh ta lësh  “seen”! Po po! Nuk kemi  nevojë  për këto  lloj varësish.

Pra, anasjelltas  nuk ka pse të mërzitemi nëse  tjetri  nuk na përgjigjet. Të pranojmë  se  nuk jemi  qendra  e botës. Të pranojmë  se tjetri nuk na ka veç  neve  që komunikon.

 

Advertisements

Etika në rrjet 

Dëgjova dikë që tha:  -“Likes” në Instagram  janë bërë si qokat!- Sa e vërtetë!

Po zëvëndësohen  marrëdhëniet njerëzore me dërgime emoji patetike.

Qokat  le të mbeten qoka njerëzore. Nëse për  shpejt komenton  në  Instagram apo Facebook, kjo nuk i zëvëndëson as urimet as ngushëllimet.

Nëse mendon se një mesazh  mjafton, përpiqu të shkruash fraza nga zemra.

Etika në rrjet

Mos e merrni seriozisht  jetën në rrjete  sociale. Nëse nuk pëlqejnë  atë që pëlqeni  ju nuk do të thotë se ju urrejnë.

Jeta vazhdon!

2017-05-16-15-22-41.jpg

Image by Samuela K. Support new Artist!

Etika në rrjet 

Edukata, mirësjellja nuk është thjesht  një kod. Përcjell sipas meje, mirësinë dhe vlerën e brëndshme të çdo njeriu. Ndonëse zakonet ndryshojnë, mirësjellja buron nga një shpirt të mirë, me vlerë. Shpejtësia e përdorimit të internetit nganjëherë por dhe shpesh,  na bën arbut, të menduar, të ashpër. Ki kujdes kur shkruan apo komenton. Do të dukesh edhe atje se kush je!