#letëflasimsishoqe #Oui!Oui!

20170530_121741

Para disa javësh zbulova një butik të lezetshëm. Oui!Oui! Rrallë gjen një person që të buzëqesh në hyrje dhe kaq komunikues sa pronarja e këndshme e këtij dyqani.

Ne gra kemi nevojë që shitësja të jetë si një shoqe që na do të mirën. Një shoqe që nuk na bën të ndihemi keq për kilet e tepërta apo për dobësi, atë e dimë vet! Duam një shoqe që na bën të ndihemi të bukura! Durimi i së cilës na bën të zgjedhim diçka të bukur për vete.

20170530_121121

Tek Oui!Oui! do të gjeni ambientin e duhur për ta trajtuar veten ndryshe.

20170530_120904.jpg

Ka veshje të zgjedhura me kujdes dhe të veçanta për të gjitha shijet!

Oui!Oui! Rr. Muhamet Gjollesha

Ndiqni në Instagram: @oui.oui.shop

 

 

Advertisements

Ia vlen!

Dua të ndaj me ju atë që bëra sot. Pata mundësinë të shijoja luksin e relaksit në kushte shtëpiake dhe duke mos harxhuar tepër. Masazhi është një nga kënaqësitë më të lashta dhe që ndikon ndjeshëm tek mirëqenia. Shepsh jemi gati të harxhojmë para dhe kohë në kozmetikë, thonj, bojëra  . . . duke harruar se ka një mënyrë më të thellë për ta trajtuar veten. Masazhi nuk zëvendëson ushtrimet, që unë mjerisht përtoj të bëj kaq shumë, por të jep një efekt të menjëhershëm tek trupi.

Tani ka plot mundësi për t’i dhënë vetes një trajtim të mirë dhe cilësor. Ka Spa, apo qendra të cilat ofrojnë shumë shërbime të kënaqshme. Nëse ke lekë mos ngurro! Nëse nuk ke shumë para, përfito nga ofertat! Nga ana tjetër ka disa persona të kualifikuar që ofrojnë shërbime private, dhe për këtë unë kam gjetur të duhurën!

2017-05-24-14-35-58

Ja disa këshilla që e kanë bërë këtë përvojë më të kënaqshme.

  • Stako trurin, para trajtimit mos mendo për asgjë.
  • Përgatite veten me një dush.
  • Hiq komplekset, vendi i trajtimit i panjohur mund të shkaktojë siklet
  • Nëse je në një qendër lejo që të merren me ty
  • Nëse je në shtëpi, përgatit ambientin. Drita e duhur, muzika, aromat.
  • Fol qartë nëse ke probleme shendetësore.
  • Mos fol ose nëse ke qejf të bësh muhabet të jetë i lehtë.
  • Mos mendo për asnjeri.

Për mua masazhi është një nga kënaqësitë e jetës! Ia vlen!

 

Kam nevojë për ndihmë!

Nisa të shkruaja blogun me qejf të madh… pas një viti e ca … jam më e kënaqur se dita e parë! Shumë faleminderit! Kam kaq shumë ide që më vërtiten në mendje … mezi pres ti ndaj me ju! Ka lindur një problem i vogël, emri i blogut. Mendoja se do flisja për gjëra që do të ishin vetëm me interes femëror, gabova! Pra para se të vazhdoj të publikoj dua të ndryshoj titullin e blogut. Më vjen pak keq se u lidha pak emocionalisht, por më mirë tani se më vonë! Jam e lumtur megjithatë që jam në këtë pikë dhe mund të ecim përpara!

2016-10-08-16-44-22.jpg Pra Letëflasimsishoqe mund të bëhet … Më thoni ju! Nëse keni ndonjë ide … mund të komentoni edhe më lehtësisht në Instagram!

 

Udhëtim fotografik – “Carte des Vins”

Kam një lidhje të veçantë me gjërat. Nuk ka të bëjë me çmimin apo me bukurinë por me vlerën e tyre shpirtërore. Kam trashëguar nga gjyshi këtë dosje. “Carte des vins” në frëngjisht, si një meny verërash. Ka qenë nëpër duart të gjyshit dhe të babait më vonë. Tani e zotëroj unë.

Zbulova se kjo meny është përdorur nga gjyshi që merrej me tregti. Firma e verës ishte Charles Heidsieck  prodhonte shampanjë. U habita kur pashë se akoma prodhon  shampanjë!

Pjesa e brendshme e dosjes daton 1919. Dhe prezanton firmën më së miri.

Sa herë e shoh mendja ime ëndërrimtare bën një udhëtim . . . shpesh pa kthim . . .