Etika në rrjet- Komentet

Të komentosh në rrjete sociale mund të jetë shumë zbavitëse dhe madje dobiprurëse. Zbavitëse sepse në disa raste mund të hapen tema shumë qesharake me persona që kanë të njëjtën shije humori me tëndin. Shpesh gjej veten duke bërë gallat me miq në Instagram,  çdo gjë nisur nga një koment i goditur. Dobiprurëse sepse komentet  të çojnë në komunikim me klientë të mundshëm, lidhesh me personat që kanë të njëjtat interesa pune, dhe mbi të gjitha merr feedback të postimit. Kjo vlen sidomos nëse ke një profil bisnesi apo pune.  Pra, nëse përdor rrjete sociale komenti bëhet pjesë e domosdoshme.

Për sa i përket pjesës zbavitëse,  ki kujdes, pasi jo të gjithë kemi të njëjtin lloj humori. Nja dy herë më ka ndodhur të shkruaj komente krejtësisht të pafajshëm por që marrësi nuk i ka perceptuar siç mendoja. Nëse ke një profil publik, të hapur, apo bisnesi, ki kujdes me komentet pasi ato mund të ulin nivelin profesional të faqes. Nëse e ke të mbyllur vetëm për miq,  normale që një sqarim i shpejtë mund të mjaftojë. Është gjithësesi bukur të përdorim komente me edukatë kundrejt të gjithëve. Kujdesi paraprak do të shmangë keqkuptimet dhe . . . nuk harxhon kohën kot.

Nëse ke një profil publik, komentet duhet të jenë të  menduara mirë. Zgjidh me kujdes se në cilën faqe po komenton. Fjalët duhet të jenë të shkruara saktë dhe sa më profesionalisht. Aktiviteti yt i menduar mirë mund të përbëjë  suksesin e faqes tënde. Do të tërheqë shikuesit e duhur, ndjekësit e duhur dhe me rradhë klientët e duhur. Shmang polemikat, shmang kritikat, mos shaj kurrë!

Gjithashtu, kur sheh diçka që ia vlen, mos ki frikë të shkruash një koment pozitiv. Mbase ai koment mund të ndryshojë ditën apo të përmirësojë punën e dikujt tjetër!

etikanerrjet - Copy (4)

Advertisements

Etika në rrjet

Mos e merrni seriozisht  jetën në rrjete  sociale. Nëse nuk pëlqejnë  atë që pëlqeni  ju nuk do të thotë se ju urrejnë.

Jeta vazhdon!

2017-05-16-15-22-41.jpg

Image by Samuela K. Support new Artist!

Etika në rrjet

Vdes të them atë që mendoj! Sinqeriteti më karakterizon. Mjerisht, kam mësuar se jo gjithmonë është mirë të thuash atë që ke në mendje. Aq më tepër kur e shkruan në rrjet.

Ki kujdes kur shkruan mendimet e tua më të thella në rrjetet sociale apo në mesazhe. Ato lehtësisht kopjohen, ruhen … dhe shpërndahen. Tani, urojmë të ekzistojë dhe mirëbesimi. Por pak kujdes nuk bën kurrë dëm.

opinionet

Opinionet tona mund të ndryshojnë ashtu si ne. Prandaj ki kujdes kur i bën publike. Një ditë do të  habitesh si mendoje ashtu …

Tek lokali i lagjes

2015-09-13-22-07-20

I thash pronares së lokalit të më rezervonte një vend në orën shtatë të darkës. Pak kohë më përpara solla nga shtëpia disa orendi… jastëqet e shtëpisë, mbulesë, lule dhe qirinjë.

E zbukurova vendin sipas dëshirës. Habia e njerëzve nuk më shkurajoi. Sytë e njerëzve kurioz nuk  më ndalen. Vendosa lule. Mora me vete kavanozat me tyl të cilët kësaj radhe i përdora si vazo lulesh. Pronarja ishte shumë e mirë dhe më dha nja dy shandane të vogla shtesë.

Atij… i thash zbrit pije një kafe… sa të bëj darken gati. Atje kishte tashmë të porositur një aperitivë nga ana ime tek këndi i rezervuar. Do të kisha dashur të shihja fytyren e tij. Pak minuta më vonë zbrita me koshin e piknikut. Normal, isha veshur për rastin… Pronarja e lokalit më ndihmoi me pak muzikë ndërsa hyja në lokal. Ishte një çast kaq i bukur dhe romantik! Surpriza funksionoi! Ai nuk e priste fare. Pas pak erdhi kamarieri me gota Martini, që i pata porositur më parë dhe këto. Menuja ishte e thjesht, kikirika, fruta të thata, bukë të thekura të vogla dhe salcra pikante. Ishin të mira, por qëllimi nuk ishte ushqimi. Qëllimi ishim ne. U rrethuam nga hija e dashurisë sonë.

Për nja dy orë atje tek lokali i lagjes, pa shpënzuar dhe pa levizur shumë shijuam një nga mbrëmjet më të bukur të jetës sonë. Ai kënd u trasformua në një ishull.

Nuk e fsheh  të gjithë na shikonin të çuditur. E dini çfare? Nuk na interesoi fare!

Nëse do të bësh një surprizë mendo për tjetrin e jo për veten! Hiq komplekset! Ki mendjen tek detajet! Kjo dotë thotë se nuk ka rëndësi vetëm sa ha apo çfarë por dhe si. Ka rëndësi atmosfera që krijohet. Nuk vlen sa lek harxhon por sa mendje shpenzon. Kjo ndihet dhe tjetri do të mbetet i kënaqur. Fotoja sipër ju jep pak idenë e atmosferës që u krijua atë mbrëmje.

A keni provuar diçka të tillë?  Do të kisha shumë qejf të dëgjoja nga ju ç’mendoni!

Shumë faleminderit për suportin dhe  mos harroni të regjistroheni që të merrni të rejat në inboksin tuaj!

Hajdeseflasim!

Etika në rrjet 

Shpërndarja e tepërt mund të shkaktojë ca zarare apo thjesht mund të bezdis ata që i marrin. Nëse të pëlqejnë meme, gif, citata  dhe video të shkurtra përdor  rrjete  sociale  ku mund të kesh ndjekës që zgjedhin të të ndjekin e jo mesazh. Shpërndarja e këtyre në rrjet si “whatsup” mund të lodhin  marresin. Për të mos folur sa e lodh celularin! Sigurisht, mund të pyesësh … mirësjellja vlen gjithmonë!

Follow on Instagram!

Etika në rrjet 

Të gjthë pa dashje  kopjojmë njëri tjetrin. Asimilojmë shijen e përbashkët. Të kopjosh haptazi ama apo të marrësh idenë e tjetrit dhe ta përvetësosh është e ulët. Shumë e trishtueshme sidomos për atë që e bën. Shpërndaje imazhin nëse të pëlqen.

Çfarë është një blog? 

Fjala blog vjen nga anglishtja WEB-LOG. Për vete do ta përshkruaja ditar në rrjet. Pra blogu nuk është tjetër veç se një bllok shënimesh, ditar apo regjistrim në rrjet. Ashtu si në një bllok shënimesh, mund të shkruash ç’të duash. Zakonisht shkruhet me gjuhë bisedore dhe pa u zgjatur shumë si do të bëje me nje libër. Lezeti është se mund të shtosh foto dhe veçori të ndryshme. Ke mundësi pafund për të zhvilluar fantazinë. Ajo që e bën të bukur një blog është se edhe lexuesit mund të komentojnë. Kjo të jep shumë kënaqësi. Nëse do të shkruash një blog të duhet të paguash zakonisht një vend në rrjet. Lumturisht ka disa site si wordpress.com  që të ofrojnë një mundësi falas. E thënë ndryshe, ata kanë një bllok të madh shënimesh të cilin ua japin hua atyre që e kërkojnë. Nga fjala blog ka dal edhe fjala blogger, pra ai që shkruan blogun. Një blogger mund të reklamojë produkte ose punën e vet. Shpesh, mund të paraqesë foto për modën dhe artin. Disa thjesht ndajnë interesat e tyre si kuzhina, punime të ndryshme, këshilla për estetikën e të tjera. Mjerisht disa janë thjesht kopje e kopjeve të blogeve të tjera dhe nuk ia vlejnë fare. Të tjera merren veç me thashethemnajat e vipave, po nejse…

Pse shkruaj unë një blog?

Sepse në fakt e kam bërë gjithmonë. Kam mbajtur bllok me vete gjithmonë, gjithandej dhe gjithsesi. Nuk rri dot pa shkruar. . . Blogu më jep mundësinë e bukur tani të ndaj me të tjerët. Gjithashtu, thjesht sepse më kënaq. Kur shkruaj, jam unë. Më pëlqen të kumunikoj dhe kjo është mënyra më e mirë që njoh.

Si funksionon?

Blogu «Letëflasimsishoqe» lexohet nga çdokush, nuk ka nevojë për t’u regjistruar. Nëse doni të shkruani një koment apo ta pëlqeni është e nevojshme të regjistroheni. Mund të vendosni email-in dhe të zgjidhni një fjalëkalim. Mos kini frikë, adresa juaj e email-it nuk do të bëhet publike. Madje mund të zgjidhni të shkruani komente anonime. Regjistrimi do të bëjë të mundur të dini kur ngarkohet diçka të re! Zakonisht kanë përparsi nëse shiten apo jepen produkte falas.  Autori i një libri kupton sa u çmua libri nga shitja. Autori i blogut mezi pret komentet tuaja! Gjithashtu mund të kuptojë se çfarë ju pëlqen më shumë, e t’ju vij pas avazit! Prandaj pres me kënaqësi!

Nëse doni shpërndajeni! Këtë mund ta bëni me ndihmën e butonave në fund të faqes ose kopjoni linkun!

Ju falënderoj shumë! Nuk prisja të ishit kaq shumë dhe mbi të gjitha kaq të rregullt!